کسان کارڈ پر رقم نکالنے کے لیے دوکاندار چارج وصول کرتا ہے اس کا حکم کیا ہے؟
اگر حکومت کی طرف سے مذکور کسان کارڈ سے رقم نکالنے کی بھی اجازت ہو تو ایسی صورت میں کسان کارڈ سے رقم نکالنے پر اگر دوکاندار حکومت کی طرف سےمقرر کردہ متعين سروسز چارچز (خدمات کا معاوضہ) لینا چاہے تو اس کی شرعا اجازت ہے ، البتہ اگر حکومت کی طرف سے کسان کارڈ صرف زرعی ضروریات پوری کرنے کے لیے فراہم کیا جاتا ہو تو ایسی صورت میں کسان کارڈ سے رقم نکال کر دینے اور اس پر چارجز (معاوضہ ) وصول کرنے کی گنجائش نہیں ہے ۔
وفي الدر المختار شرح تنوير الأبصار: وشرطها كون الأجرة والمنفعة معلومتين. [كتاب الإجارة، شرط الإجارة (6/ 5) ط: ايچ ايم سعيد]