میرے شوہر والد کا کاروبار سنبھالتے ہیں اور ایک سال سے والد سیلری نہیں دے رہے، جس پر میرے شوہر اندر ہی اندر فیل ہوتے ہیں۔ اور میں ان کے والد کی کوئی بات مانوں یا خدمت کروں تو میرے شوہر مجھے طعنے دیتے ہیں اور کہتے ہیں: خرچ میں اٹھاؤں اور باتیں تم ان کی سنو۔ اس کنڈیشن میں بتائیں، میں کیا کروں، کس کی سنوں؟ اگر سسر کو بولوں گی تو وہ برا مانیں گے۔ میں پھنس گئی ہوں، بات بات پر میرے شوہر طعنے مارتے ہیں۔ حالانکہ ان کے والدین ہیں، انہیں خوش ہونا چاہیے کہ میں خدمت کرتی ہوں۔ دل کرتا ہے سب کچھ چھوڑ کر چلی جاؤں، پر جاؤں تو کہاں جاؤں؟ میری تین بیٹیاں ہیں۔ میں بہت تنگ ہوں اپنی زندگی سے، صرف بیٹیوں کی وجہ سے چپ اور برداشت کر رہی ہوں۔ حالانکہ ماشاءاللہ سے تبلیغی خاندان ہے، تعلیم میں جڑنا، وقت لگانا، جماعتوں میں جانا، مگر گھر کا ماحول بالکل الٹ ہے۔
صورتِ مسئولہ میں سائلہ کا اپنے ساس سسر کے ساتھ حسنِ سلوک سے پیش آنا اور خدمت کرنا یقیناً قابلِ تحسین اور باعثِ اجر و ثواب ہے، لہٰذا وہ شوہر کے طعنوں اور تلخ کلامی پر حتی الامکان صبر و تحمل سے کام لیتے ہوئے حکمت کے ساتھ گھر کا ماحول بہتر بنانے کی کوشش کرتی رہے، اور ساتھ ساتھ اللہ تعالیٰ سے دعا بھی کرتی رہے۔ ان شاء اللہ تعالیٰ بہتری کی کوئی صورت نکل آئے گی۔جبکہ شوہر کو چاہیے کہ بیوی کی اس خدمت کی قدر کرتے ہوئے اس کے ساتھ حسنِ معاشرت اور نرمی کا معاملہ رکھے، بیوی کو بلاوجہ کی طعن و تشنیع سے ذہنی اذیت میں مبتلا کرنے سے باز رہے۔ اس کا محض اپنی ناراضگی یا گھریلو مسائل کی وجہ سے بیوی کی جائز خدمات کو تنقید کا نشانہ بنانا قطعاً مناسب اور درست طریقۂ کار نہیں، جس سے احتراز لازم ہے۔
کما في احكام القران للجصاص: مطلب: يجب علينا تعليم أولادنا وأهليناوقوله تعالى: {يا أيها الذين آمنوا قوا أنفسكم وأهليكم نارا} روي عن علي في قوله: {قوا أنفسكم وأهليكم} قال: "علموا أنفسكم وأهليكم الخير" وقال الحسن: "تعلمهم وتأمرهم وتنهاهم". قال أبو بكر: وهذا يدل على أن علينا تعليم أولادنا وأهلينا الدين والخير وما لا يستغنى عنه من الآداب، وهو مثل قوله تعالى: {وأمر أهلك بالصلاة واصطبر عليها} [طه: 132] ونحو قوله تعالى للنبي صلى الله عليه وسلم: {وأنذر عشيرتك الأقربين} [الشعراء:214] ويدل على أن للأقرب فالأقرب منا مزية به في لزومنا تعليمهم وأمرهم بطاعة الله تعالى، ويشهد له قول النبي صلى الله عليه وسلم: "كلكم راع وكلكم مسئول عن رعيته" ومعلوم أن الراعي كما عليه حفظ من استرعي وحمايته والتماس مصالحه فكذلك عليه تأديبه وتعليمه اھ (في إباء أحد الزوجين اللعان، ج: ٣، ص: ٦٢٤، ط: دار الكتب العلمية)
وفي صحىح البخارى: عن عبد الله بن عمرو رضي الله عنهما، عن النبي صلى الله عليه وسلم قال: (المسلم من سلم المسلمون من لسانه ويده، والمهاجر من هجر ما نهى الله عنه) (باب: المسلم من سلم المسلمون من لسانه ويده، ج: ١، ص: ١٣٠، ط: البشرى)