السلام علیکم! آن لائن ٹریڈنگ کرنا حلال ہے یا حرام اور اس میں کون سی قسم جائز ہے؟
واضح ہو کہ کسی بھی کاروبار کے جواز اور اس کی آمدنی کے حلال ہونے کے لۓ اس کاروبار کا بنیادی طور پر جائز اور شرعی اصولوں کے مطابق ہونا لازم اور ضروری ہے ، جبکہ آج کل آن لائن کام کرنے کے مختلف ذرائع ہیں اور ہر ایک کا طریقہ کار دوسرے سے مختلف ہے، اس لۓ کسی بھی کاروبارسے متعلق اس کی تفصیل اور طریقہ کار بیان کیے بغیر حکمِ شرعی بیان نہیں کیا جاسکتا، لہذا سائل کو جس کاروبار کے بارے میں حکمِ شرعی معلوم کرنا ہو ، تو اس کی پوری تفصیل بیان کرکے حکمِ شرعی معلوم کرسکتاہے۔
كما قال اللہ تعالى: واحل الله البيع و حرم الربوا (سورۃ البقرة،الایت:275)
وفی رد المحتار : تحت:(قوله لأنه يصير قمارا) لأن القمار من القمر الذي يزداد تارة وينقص أخرى، وسمي القمار قمارا لأن كل واحد من المقامرين ممن يجوز أن يذهب ماله إلى صاحبه، ويجوز أن يستفيد مال صاحبه وهو حرام بالنص۔الخ (کتاب الحظر و الإباحۃ، ج: 6، ص: 403، ط: ایچ ایم سعید)