اگر کسی کمپنی میں بعض فروخت پر ڈیلرز کے لیے منظور شدہ کمیشن مقرر ہو، اور کوئی ملازم یہ ظاہر کرے کہ وہ منظور شدہ کمیشن جناب ABC کو ادا کرے گا، جبکہ حقیقت میں وہ کمیشن خود رکھ لے، حالانکہ مذکورہ فروخت اسی کی اپنی کوشش سے حاصل ہوئی ہو۔ نیز اسے معلوم ہو کہ کمپنی ہمیشہ بیرونی افراد کو کمیشن ادا کرتی ہے، لیکن اپنے ملازمین کو کمیشن نہیں دیتی، اس لیے وہ کسی بیرونی شخص کا نام ظاہر کرکے کمیشن خود حاصل کرلے، تو کیا اس طرح کمیشن حاصل کرنا شرعاً حرام ہے؟اگر یہ حرام ہے تو شرعی طور پر کمیشن حاصل کرنے کا کیا طریقہ ہے، جبکہ کمپنی کو یہ بتائے بغیر کہ اس کمیشن کا اصل فائدہ اٹھانے والا خود وہ ملازم ہے؟
سوال میں درج کردہ تفصیل کے مطابق اگر کمپنی کی جانب سے بعض اشیاء کی فروخت پر ڈیلرز کے لیے کمیشن مقرر ہو، لیکن کمپنی کے ضابطے میں یہ وضاحت موجود ہو کہ مذکورہ کمیشن کا حق دار صرف بیرونی ڈیلر ہوگا اور کمپنی کا ملازم اس کمیشن کا اہل اور حق دار نہیں ہوگا، تو ایسی صورت میں اگرچہ بعض اشیاء کی فروخت کمپنی کے ملازم کی کوششوں سے ہوئی ہو، تاہم کمپنی کے ضابطے کے برخلاف کسی بیرونی شخص، مثلاً ABC، کا نام ظاہر کرکے مذکورہ کمیشن خود وصول کرنا جھوٹ اور دھوکہ دہی پر مبنی ہونے کی وجہ سے شرعاً جائز نہیں، لہٰذا اس سے اجتناب لازم ہے۔شرعی طور پر کمیشن حاصل کرنے کا درست طریقہ یہ ہے کہ کمپنی کی انتظامیہ کو صورتِ حال سے آگاہ کرکے ان کی رضامندی سے باقاعدہ کمیشن طے کیا جائے اور پھر اسے وصول کیا جائے۔ کمپنی کی انتظامیہ کے علم اور رضامندی کے بغیر دھوکہ دہی کے ذریعے کمیشن وصول کرنا کسی صورت جائز نہیں۔
کما فی الھندیة: وإن حط البائع عن الوكيل بعض الثمن فإنه يحطه عن الموكل ولو حط البائع جميع الثمن لا يظهر ذلك في حق الموكل حتى كان للوكيل أن يرجع على الموكل بجميع الثمن ولو وهب البائع بعض الثمن عن الوكيل يظهر ذلك في حق الموكل حتى لم يكن للوكيل أن يرجع على الموكل بذلك القدر ولو وهب كل الثمن لا يظهر ذلك في حق الموكل ولو أبرأه البائع عن جميع الثمن فالجواب فيه كالجواب في هبة جميع الثمن كذا في المحيط. (116/27)
وفی المبسوط للسرخسي: ولو حط البائع شيئا من الثمن عن الوكيل ثبت ذلك للآمر لأن حط بعض الثمن يلتحق بأصل العقد ويخرج قدر المحطوط من أن يكون ثمنا بخلاف ما لو وهب البائع الثمن كله للوكيل كان له أن يرجع على الموكل بالثمن لأن حط الكل لا يلتحق بأصل العقد إذ لو التحق بأصل العقد فسد البيع لأنه يبقى بيعا بغير ثمن وهو فاسد فكان ذلك مقصورا على الحال. (19/ 109)