السلام علیکم ایک مسئلہ پوچھنا ہے کیا کہتے ہیں مفتیان کرام اگر ایک شخص کسی تنظیم میں بڑا ہو یعنی ناظم ہو اس کے پاس مالیت کا شعبہ ہو اور وہ بغیر کسی بڑے کی اجازت سے وہاں سے رقم لے اور وہ اس دنیا سے پھر چلا جائے اب وہ ورثہ اس کے وہ پیسے ادا کرنا چاہتے ہوں اس کی کیا ترتیب ہوگی کیا اس تنظیم کو بتانا ضروری ہے یا اس تنظیم میں چندہ دے دے کسی بھی مد میں نظام چل جائے گا یا کسی اور جگہ وہ رقم ادا کرتے ہیں کیا اس طرح اپنے ذمے لے لینے سے میت کی خلاصی ہو جائے گی
مذکور ناظم صاحب مرحوم کے لیے کسی اسحقاق کے بغیر تنظیم کے مشترکہ فنڈ سے ناجائز طریقے سے رقم وصول کرنا جائز نہیں، جس پر اسے اپنی زندگی میں توبہ واستغفار اور مذکور تنظیم کو رقم واپس کر کے اس کی تلافی کرنا لازم اور ضروری تھا، تاہم اگر مرحوم کااس رقم کی واپسی سے قبل انتقال ہو چکا ہو، اور اب مرحوم کے عاقل و بالغ ورثا باہمی رضامندی سے وہ رقم مذکور تنظیم کو واپس کر کے اس گناہ کی تلافی کرنا چاہیں تو شرعاً ایسا کرنا درست ہے، اور اس حوالے سے تنظیم کے ذمہ داران کو پوری تفصیل بتانا بھی لازم نہیں ، بلکہ بغیر بتائے وصول شدہ رقم کے بقدر چندہ وغیرہ کے نام سے رقم جمع کرائی جا سکتی ہے، اور امید ہے کہ اس سے مرحوم کے اس عمل کی تلافی ہو سکے، البتہ محض چند بکس میں رقم ڈال دینا کافی نہیں، بلکہ تنظیم کے ذمہ داران تک وہ رقم پہنچانا ضروری ہے۔
المحيط البرهاني: وفي «المنتقى» الحسن بن زياد عن أبي يوسف: رجل أخذ شيئا من دار رجل بغير علمه، ثم رده بعد أيام إلى ذلك الموضع؛ لا يبرأ عن الضمان ما لم يرده على صاحبه. [كتاب الغصب، الباب السادس في استرداد المغصوب من الغاصب (5/ 487) ط: دار الكتب العلمية]
وفي الفتاوى الهندية: وفي اليتيمة سئل أبو عصمة عن رجل غصب من كيس رجل دراهم فأنفقها، ثم أعادها في كيسه مثل ما كان أخذ من غير أن يعلم صاحبه وخلطها بدراهمه فقال الأمر موقوف حتى يعلم أن صاحب الكيس أنفق جميع ما في كيسه أو حمل الكيس من موضعه فحينئذ يسقط عنه الضمان. [كتاب الغصب، الباب السادس في استرداد المغصوب من الغاصب (5/ 136) ط: دار الفكر]