السلام علیکم ! میرا ایک مسئلہ ہے مسئلہ یہ ہے کہ میری شادی کے ڈیڑھ سال ہو گئے ہے ،اور تقریباً شروع سے میرے سسر کو مجھ سے بہت مسئلے رہے ہیں ، ہر چھوٹی چھوٹی بات پہ طنز کرنا ،باتیں سنانا،میری ساس سوتیلی ہے اس نے کبھی منہ چھڑ کے تو کچھ نہیں کہا لیکن پیٹھ پیچھے سسر کے کان بھرتے رہے ہیں ،ان سب میں میں شوہر کے پاس جا کے کوئی مسئلہ بیان کروں تو وہ میری کوئی بات نہیں سنتا ،وہ اپنے أبو کی ہر بات سنتے ہے،وہ کہے دن ہے تو دن ہے کہے رات ہے تو رات ہے، میرا شوہر اپنے بہن بھائیوں کا بھی بہت سنتا ہے ،ان کے بہن کیساتھ بھی کوئی مسئلہ ہوا تو مجھے بولنے نہیں دیا گیا صرف اپنی بہن سے پوچھتے تم بتاؤ کیا مسئلہ ہے ،سسر نے مجھے گالیاں بھی دیئے ہے ،(منہ چیر کے نہیں )لیکن اپنی بیوی سے کال پہ بات کررہے تھے تو میں نے وہاں ریکارڈ کر لیئے بہت گندی گندی گالیاں ،میرے شوہر کی دوسری شادی ہے ۔أولاد نہ ہونے کی وجہ سے میرے سسر کے کہنے پہ اس نے اپنی پہلی بیوی کو طلاق دی تھی ،پھر میرے ساتھ بھی انکل اس طرح مسئلے کرتے رہتے ہیں۔ جس وجہ سے میرے شوہر کیساتھ لڑائیاں چلتی رہی ،پھر ایک (1) جون کو انکل سے میرا مسئلہ ہوا جس پہ میرے شوہر نے مجھے مارا تو میری ماں باپ مجھے وہاں سے لے آئے اس ٹائم میں پانچ مہینے کی حاملہ تھی یہاں ماں باپ کے گھر آنے کے بعد میرا شوہر آیا معافی تلافی کی مجھ سے، لیکن میں نے اس گھر میں آنے سے منع کردیا ، میرا ڈیمانڈ تھا کہ الگ گھر لے کے دو میں انکل کیساتھ نہیں رہ سکتی۔ اور اپنے ابو کو بھی لے کے آؤ وہ میرے اپنوں سے بات کرے پھر میں آؤں گی، لیکن انکل نہیں آیا اس بیچ کھبی بھی، لیکن شوہر میرا آتا رہا میرے پاس اس کے بچے تھے، پھر اسی وقت دوسری بیٹی بھی ہوگئی ،خرچہ وغیرہ سب دیتا رہا لیکن ہمارا مسئلہ حل نہیں ہوسکا پھر جرگہ بیٹھ گیا الگ گھر کا فیصلہ ہوا وہ مان گئے لیکن گھر جا کر کہتے ہے کہ اوپر والا گھر الگ دوں گا ۔میں پھر اس پہ بھی مان گئی کہ صحیح ہے اوپر بھی الگ ہوگا اوپر تین کمرے ہے۔اب جب اوپر کیلئے میں نے ہاں کی تو اب کہہ رہے ہے کہ دو (2)کمرے ہم دینگے تیسرے میں دیور رہے گا،اب اس بات پہ بات پھنسی ہوئی ہے مجھے ماں باپ کے گھر آئے ہوئے ایک (1)سال ہونے والا ہے،آپ مجھے بتائیں کہ میرا جو ڈیمانڈ اپنے شوہر سے الگ گھر کا ہے وہ صحیح ہے یا نہیں؟ اس کے بعد اب جو اوپر وہ لوگ دو (2)کمرے دے رہے ہے کیچن واش روم بھی ہے لیکن تیسرے کمرے میں دیور رہے گا اس طرح میری کیا پراویسی رہی اور یہ کہاں کا الگ گھر ہوا ،اور نیچے والوں کا تو ( مداخلت ہوجائے گا )اب مجھے بتائے کہ مجھے کیا کرنا چاہے جانا چاہے یا اس پہ ضد کر کے ماں باپ کے گھر رہوں ،دو (2)بچےبھی ہے ساتھ میرے ،شوہر کا میسج آیا تھا کہ میں صرف دو (2)کمرے دے سکتا ہوں آجاؤ میں نے منع کردیا ،پلیز اس کو پوسٹ نہیں کرنا یہ پرسنل بات ہے کسی نے پڑھ لیا تو بہت بڑا مسئلہ ہوجائے گا، مجھے بس حل بتا دینا۔
واضح ہو کہ میاں بیوی کا رشتہ بہت مقدس ہوتا ہے جس میں میاں بیوی ایک دوسرے کے دکھ سکھ کے ساتھی ہوتے ہیں اور ہر مشکل مرحلہ میں ایک دوسرے کی معاونت کرتے ہیں اور یہ اس رشتہ کی خوبصورتی ہے۔ لہذا اولاً تو سسر کا مذکور رویہ انتہائی درجہ نامناسب ہے کہ وہ خا مخواں بیٹے اور بہو کی زندگی میں دخل اندازی کر کے ان کا سکون برباد کر رہا ہے اسے اپنے اس غیر شرعی رویہ سے اجتناب ضروری ہے۔ ثانیاً سائلہ کو بھی چاہیے کہ جب اس کا شوہر اسے الگ گھر کا انتظام کر رہا ہے تو اسے اپنے مطالبات مزید بڑھانے کے بجائے شوہر کی مجبوری کو بھی سمجھنا اور اس کے ساتھ تعاون کرنا چاہیے تاکہ بلا وجہ کی اختلافات اور رویوں کی وجہ سے یہ رشتہ متاثر نہ ہو۔ لیکن سائلہ کا دیور چونکہ شرعا ً نامحرم ہے اس لیے سائلہ کو دیے جانے والے فلور میں اسے ایک کمرہ دینے کی صورت میں اگر اس کے آمد و رفت کا راستہ ایک ہو جس میں گھر کی یکسوئی متاثر ہونے کے ساتھ شرعی پردے کی حدود اور قیود کا لحاظ رکھنا بھی ممکن نہ ہو تو ایسی صورت میں سائلہ کے شوہر کے ذمہ رہائش دینے کی شرعی ذمہ داری پوری نہ ہوگی۔ لہذا میاں بیوی کو چاہیے کہ باہم مل بیٹھ کر کوئی بھی ایسی تدبیر اختیار کریں کہ جس کی وجہ سے نہ صرف گھر ٹوٹنے سے محفوظ رہے بلکہ شرعی پردے اور دیگر احکام کی پاسداری بھی ممکن ہو سکے۔
کما فی الفتاوی الھندیة: تجب السكنى لها عليه في بيت خال عن أهله وأهلها إلا أن تختار ذلك(الی قوله)امرأة أبت أن تسكن مع ضرتها، أو مع أحمائها كأمه وغيرها، فإن كان في الدار بيوت فرغ لها بيتا، وجعل لبيتها غلقا على حدة ليس لها أن تطلب من الزوج بيتا آخر، فإن لم يكن فيها إلا بيت واحد فلها ذلك"(کتاب الطلاق،الباب السابع عشر فی النفقات،ج:1،ص: 556،مط: دارالفکر)
وفی العنایة: (وعلى الزوج أن يسكنها في دار مفردة ليس فيها أحد من أهله إلا أن تختار ذلك) لأن السكنى من كفايتها فتجب لها كالنفقة، وقد أوجبه الله تعالى مقرونا بالنفقة، وإذا وجب حقا لها ليس له أن يشرك غيرها فيه لأنها تتضرر به، فإنها لا تأمن على متاعها،اھ(ج: 4،ص: 397،مط: دارالفکر)
و فی البحر الرائق: ويشترط أن لا يكون في الدار أحد من أحماء الزوج يؤذيها كما في الخانية، قالوا للزوج أن يسكنها حيث أحب، ولكن بين جيران صالحين،اھ(كتاب الطلاق،باب النفقة،ج:4،ص:211،مط: دارالکتاب الاسلامی)