کیا گدھے کا گوشت حلال ہے؟

Is donkey meat halal
كياگدھے كا گوشت حلال هے۔

الجوابُ حامِدا ًو مُصلیِّا ً

گدھے کا گوشت کھانا حرام ہے،رسول اللہ ﷺکے کئی ارشادات میں اس کی حرمت منقول ہے ،جن میں سےچنددرج ذیل ہیں:
1۔حضرت انس بن مالک رضی اللہ عنہ سے روایت ہے:
رسول اللہ ﷺ کی خدمت میں ایک آدمی آیا اور عرض کیا: "گدھے ذبح کر دیے گئے ہیں"۔ پھر دوسرا آیا اور کہا: "گدھے ذبح کر دیے گئے ہیں"۔ پھر تیسرا آیا اور کہا: "گدھے ختم ہی کر ڈالے گئے ہیں"۔
تو رسول اللہ ﷺ نے ایک منادی کرنے والے کو حکم دیا، اس نے لوگوں میں اعلان کیا:
”بے شک اللہ اور اس کا رسول تمہیں گھریلو گدھوں کے گوشت سے منع کرتے ہیں، کیونکہ وہ ناپاک ہیں۔“چنانچہ ہانڈیاں الٹ دی گئیں، حالانکہ وہ گوشت سے اُبل رہی تھیں۔صحيح البخاري» (5/ 2103)
2۔حضرت براء بن عازب رضی اللہ عنہ سے روایت ہے کہ رسول اللہ ﷺ نے ہمیں حکم دیا کہ ہم گھریلو گدھوں کے گوشت کو، خواہ وہ کچا ہو یا پکا ہوا، سب کو پھینک دیں، اور پھر ہمیں ان کے کھانے کا حکم نہیں دیا۔صحيح مسلم» (6/ 64)
3۔حضرت عمرو بن شعیب اپنے والد سے، وہ اپنے دادا سے روایت کرتے ہیں کہ رسول اللہ ﷺ نے غزوہ خیبر کے دن گھریلو گدھوں کے گوشت سے منع فرمایا، اور (اسی طرح) جلالہ جانور (یعنی وہ جانور جو گندگی کھاتا ہو) کو سواری کے طور پر استعمال کرنے اور اس کا گوشت کھانے سے بھی منع فرمایا۔

مأخَذُ الفَتوی

كما قال الله تعالي في التنزيل﴿يَٰٓأَيُّهَا ٱلرُّسُلُ كُلُواْ مِنَ ٱلطَّيِّبَٰتِ وَٱعۡمَلُواْ صَٰلِحًاۖ ﴾ [المؤمنون: 51]
و قال الله تعالي في التنزيل ﴿يَٰٓأَيُّهَا ٱلنَّاسُ كُلُواْ مِمَّا فِي ٱلۡأَرۡضِ حَلَٰلٗا طَيِّبٗا ﴾ [البقرة: 168]
كمافي صحيح البخاري» عن أنس بن مالك رضي الله عنه:أن رسول الله صلى الله عليه وسلم جاءه جاء فقال: أكلت الحمر، ثم جاءه جاء فقال: أكلت الحمر، ثم جاءه جاء فقال: أفنيت الحمر، فأمر مناديا فنادى في الناس: (إن الله ورسوله ينهيانكم عن ‌لحوم ‌الحمر الأهلية، فإنها رجس). فأكفئت القدور، وإنها لتفور باللحم.»(5/ 2103)
و في صحيح مسلم : عن البراء بن عازب قال: « أمرنا رسول الله صلى الله عليه وسلم أن نلقي ‌لحوم ‌الحمر الأهلية نيئة ونضيجة، ثم لم يأمرنا بأكله .(صحيح مسلم» 6/ 64)
«عن عمرو بن شعيب، عن أبيه عن جده، قال: نهى رسول الله صلى الله عليه وسلم يوم خيبر عن ‌لحوم ‌الحمر الأهليه، وعن الجلالة: عن ركوبها، وأكل لحمها۔(سنن أبي داود» 5/ 628 ت الأرنؤوط)