کمیشن اور ممبر شپ کے ذریعہ آمدن حاصل کرنے کا حکم

ایک آن لائن کمپنی میں کام کرنا چاہتی ہوں جو ادویات اور کاسمیٹکس بناتے ہیں ۔ اور ہمارے کام کی نوعیت یہ ہوتی ہے کہ ہم کمپنی کے پروڈکٹ آگے سیل کرتے ہیں سوشل میڈیا کے ذریعے اس طرح ہر سیل پہ کمپنی ہمیں 30٪ منافع دے گی ۔ تو کیا یہ کام شرعاً درست ہے ؟اور کمپنی کی طرف سے یہ ٹاسک بھی ہوتا ہے کہ اور لوگوں کو کمپنی میں کام کے لیے راضی کرنا ہے اور اس طرح ہمارے ریفرنس سے جو ممبر شامل ہوتا ہے اس پہ بھی کمپنی ہمیں ادائیگی کرتی ہے ؟ اسکے بارے میں وضاحت سے بتادیں ۔

الجوابُ حامِدا ًو مُصلیِّا ً

سائلہ نے آن لائن کمپنی میں کام کرنے کاجوطریقہ بیان کیاہے ،اگراس میں کسی قسم کی غیرشرعی وغیرقانونی چیزوں کی خریدوفرخت نہ ہوتی ہوتواس کمپنی میں کام کرکے فیصدکے اعتبارسے مذکورکمیشن حاصل کرناشرعاجائزہے ،اسی طرح کمپنی میں کام کرنے کے لیے مزیدممبران کی فراہمی پربھی طے شدہ اجرت وکمیشن لینے کی بھی گنجائش ہے۔

مأخَذُ الفَتوی

کمافی الشامیۃ :قَالَ فِي التتارخانية: وَفِي الدَّلَّالِ وَالسِّمْسَارِ يَجِبُ أَجْرُ الْمِثْلِ، وَمَا تَوَاضَعُوا عَلَيْهِ ... وَفِي الْحَاوِي: سُئِلَ مُحَمَّدُ بْنُ سَلَمَةَ عَنْ أُجْرَةِالسِّمْسَارِ؟ فَقَالَ: أَرْجُو أَنَّهُ لَا بَأْسَ بِهِ وَإِنْ كَانَ فِي الْأَصْلِ فَاسِدًا؛ لِكَثْرَةِ التَّعَامُلِ، وَكَثِيرٌ مِنْ هَذَا غَيْرُ جَائِزٍ، فَجَوَّزُوهُ لِحَاجَةِ النَّاسِ إلَيْهِ...‘‘ الخ(63/6)
وفیہ ایضا: وفیه أیضاً: ’’وَأَمَّا أُجْرَةُ السِّمْسَارِ وَالدَّلَّالِ فَقَالَ الشَّارِحُ الزَّيْلَعِيُّ: إنْ كَانَتْ مَشْرُوطَةً فِي الْعَقْدِ تُضَمُّ‘‘. (ه/ 136)