احرام کے مسائل
پیشاب کے قطروں کا مریض عمرہ کی ادائیگی کیسے کرے؟
فتوی نمبر : 69211
پیشاب کے قطروں کا مریض عمرہ کی ادائیگی کیسے کرے؟
عبادات / حج و عمرہ / احرام کے مسائل
پیشاب کے قطروں کا مریض عمرہ کی ادائیگی کیسے کرے؟
مجھے پیشاب کے قطرے آتے ہیں ، کیا عمرہ کے لئے گھر سے ہی احرام باندھ کر جانا لازمی ہے ، وہاں جا کر احرام باندھ سکتے ہے؟ کیوں کہ اتنی دیر تک پیشاب نہیں روکا جا سکتا ، برائے مہربانی مجھے اس معاملے میں رہنمائی فرمائیں ، تاکہ سکون سےعمرہ کرسکوں ، پیشاب کے قطرے کا علاج کرا چکا ہوں کوئی فائدہ نہیں ہوا ۔
الجوابُ حامِدا ًو مُصلیِّا ً
واضح ہو کہ احرام کی حالت میں مسلسل با وضو رہنا شرعاً لازم اور ضروری نہیں ، بلکہ وضو باقی نہ رہنے کی صورت میں بھی احرام برقرار رہتا ہے ، البتہ ادائیگی عمرہ کے وقت طواف کے لئے باوضو ہونا ضروری ہے، نیز میقات یا اس سے پہلے احرام باندھنا اور حج و عمرہ کی نیت کرکے تلبیہ پڑھنا ضروری ہے ورنہ احرام کے بغیر میقات سے گزرنے کی صورت میں دم لازم آتا ہے ، لہذا اگر سائل کو قطروں کی بیماری ہو تو وہ اپنے گھر یا ائیرپورٹ پر احرام کے کپڑے پہن کر دو رکعات نفل ادا کرے اور اس کے ساتھ یا میقات کے قریب پہچنے پر تلبیہ پڑھ کر عمرہ کی نیت کرے ، اگر اس دوران اس کا وضو باقی نہ رہے تو اس کی وجہ سے احرام پر کوئی فرق نہیں پڑتا ، تا ہم احرام کے کپڑوں کو ناپاکی سے بچانے کے لئے غیر سلا ہوا کپڑا اور ٹیشو پیپر و غیرہ استعمال کرکے ضرورت پوری کی جا سکتی ہے ۔
مأخَذُ الفَتوی
محمد حذیفہ حسن عُفی عنه
دار الافتاء جامعه بنوریه عالمیه
فتوی نمبر 69211کی تصدیق کریں
Related Fatawa متعلقه فتاوی
Related Topics متعلقه موضوعات
-
225احکام حجRules for Haj
-
133احکام عمرہRules for Umrah
-
107احرام کے مسائلCloth of a Mecca pilgrim
-
37طواف و سعیTawaf And Saae