ڈیٹا ریکوری کی اجرت لینا

السلام علیکم و رحمۃ اللہ و برکاتہ!
میں ڈیٹا ریکوری کا کام کرتا ہوں (یعنی اگر کسی کی ہارڈ ڈسک, میموری کارڈ، یا یو ایس بی میں موجود ڈیٹا ڈیلیٹ ہو جائے تو اس کو واپس لانا) اب ڈیٹا کی مختلف اقسام ہیں، جس میں آفس فائلز کے علاوہ تصاویر، آڈیوز اور ویڈیوز بھی شامل ہیں، بسا اوقات لوگ ڈیٹا ریکوری سے پہلے ہی بتا دیتے ہیں کہ ، ہماری شادی کی ویڈیوز/ تصاویر ہیں صرف وہی نکل آئیں کافی ہے، کیا اس صورت میں ان کو شادی یا دیگر رسومات کی ویڈیوز اور تصاویر ریکور کر کے دینا جائز ہے؟ اور اس پر لی گئی اُجرت جائز ہو گی ؟

الجوابُ حامِدا ًو مُصلیِّا ً

شادی بیاہ کی ڈیجیٹل تصاویر اور ایسی ویڈیوز جو موسیقی اور ناچ گانے جیسے غیر شرعی اُمور پر مشتمل نہ ہوں، اُسکو کسی ڈیوائس وغیرہ میں ریکور کرنے کی گنجائش ہے،اور اس پر لی گئی اُجرت بھی حلال ہوگی، تاہم غیر شرعی اُمور پر مشتمل ویڈیوز اور تصاویر وغیرہ ریکور کرنا یا اُن تصاویر کا پرنٹ نکال کر دینا شرعاً جائز نہیں،جس سے احتراز ہے۔

مأخَذُ الفَتوی

کما فی البزازیة : و إن إستأجرہ لیکتب له غناء بالفارسیة أو بالعربیة قیل لایحل الأجر و المختار أنه یحل ، لأن المعصیة فی القراءة۔اھ (5/41)۔
وفی فقه البیوع: و منع بعض الفقهاء البيع إن قصد به أحد المتعاقدين معصية ، و علم الآخر ذلك . فذهب الحنابلة إلى أن البائع إن كان عالماً بقصد المشترى ، فإن البيع حرام و باطل ، فلا يثبت ملك المشترى فى المبيع ، و لا ملك البائع فى الثمن . جاء في المقنع و بيع العصير ممن يتخذه خمراً باطل . و قال ابن قدامة تحته : فإنما يحرم البيع و يبطل إذا علم البائع قصد المشترى ذلك إما بقوله ، و إما بقرائن مختصة به تدلّ على ذلك . فأما إن كان الأمر محتملاً ، مثل أن يشتريها من لا يعلم حاله ، أو من يعمل الخل و الخمر معاً ، و لم يلفظ بما يدل على إرادة الخمر ، فالبيع جائز، و إذا ثبت التحريم ، فالبيع باطل۔اھ (187/1)واللہ اعلم