E.Shopسونے کی خرید و فروخت کا حکم

میں نے آن لائن سونا خریدا، اور " ای شاپ " نے وعدہ کیا کہ اگر میں اپنا سونا ان کی فرنچائز پر طلب کروں تو وہ مجھے میرا سونا دیں گے ، اور وہ گھر پر بھی اسے بھیج سکتے ہیں، ای شاپ کا نام " اے آر وائے جیولرز " ہے، جو کہ ان کے بزنس میں مشہور نام شمار کیا جاتا ہے، یہ سونے کی حفاظت مہیا کرتا ہے، اس طور پر کہ سونے کو خریدنے، محفوظ کرنے اور حسّی طور پر منتقلی کی پریشانی نہیں ہوتی۔
میر اسوال یہ ہے کہ کیا میں سہولت کے پیش نظر سونے کو Electronically بیچ سکتا ہوں، حسّی طور پر اس پر قبضہ کیے بغیر ؟ اگر اس سوال کا جواب "نہیں" ہے ، تو ایک مشترک فنڈ ہے، جس کو "میزان گولڈ فنڈ " کہا جاتا ہے ، جو کہ "المیزان انویسٹمنٹ " کی جانب سے مہیا کیا جاتا ہے ، جو کہ انہی مذکور اصولوں پر کام کرتا ہے ، تو کیا یہ حلال ہے ؟

الجوابُ حامِدا ًو مُصلیِّا ً

مسئولہ صورت میں سائل کے لیے خود یا کسی وکیل کے ذریعہ مذکور سونے پر حسّی طور پر قبضہ کیے بغیر اسے آگے فروخت کرنا شرعا جائز نہیں، جس سے احتراز لازم ہے، جبکہ میز ان گولڈ فنڈ سے متعلق تفصیلات اور کام کے طریقہ کار پر مشتمل دستاویزات اگر ارسال کر دی جائیں تو اس پر بھی غور کر کے حکم شرعی سے آگاہ کیا جاسکتا ہے۔

مأخَذُ الفَتوی

كما في فقه البيوع: فالذي يظهر انه لا ينبغى ان يعتبر التسجيل قبضاً ناقلاً للضمان في الفقه الاسلامي، الا اذا صاحبته التخلية بالمعنى الذي ذكرناه فيما سبق، ومنه ان يكون العقار مستغلا بالاجارة، وعقد المشترى الاجارة مع المستاجر صراحة أو اقتضاء، كما اسلفنا والله سبحانه اعلم. (۴۰۵/۱)
و في الهداية شرح البداية: والتخلية اعتبرت تسليما لوقوعه تمكينا وهو الفعل الذي يحصل به التمكن ولا تمكن في المشاع اھ (3/ 240)
و في البحر الرائق شرح كنز الدقائق: لأن قبض كل شيء وتسليمه يكون بحسب ما يليق به اھ (5/ 268) واللہ اعلم بالصواب