فتوی نمبر : 58827
ایک سنت کو زندہ کرنے پر 100 شہیدوں کا ثواب

ایک سنت کو زندہ کرنے پر 100 شہیدوں کا ثواب

کیا فرماتے ہیں علماءِ کرام اس مسئلہ کے بارے میں کہ میں نے بہشتی زیور میں پڑھا ہے کہ رسول اﷲ ﷺ نے فرمایا: ’’جو شخص میری سنت کو زندہ کرتا ہے اس وقت جب مذہبی تنزل ہورہا ہو میری امت میں تو اس کو ایک سو شہیدوں کا اجر ملے گا‘‘۔ کیا آپ بتاسکتے ہیں کہ یہ کس حدیث سے لیا گیا ہے؟

الجوابُ حامِدا ًو مُصلیِّا ً

یہ حدیث مشکوٰۃ شریف ’’باب الاعتصام بالکتاب والسنۃ‘‘ الفصل الثانی جلد ۱ صفحہ ۳۰ پر موجود ہے:
عن ابی ہریرۃؓ: قال قال رسول اﷲ ﷺ من تمسک بسنتی عند فساد أُمّتی فلہ أجر مائۃ شہید۔ (رواہ البیہقی فی کتاب الزہد لہ من حدیث ابن عباس)۔ واﷲ اعلم