خنثی (ہیجڑا) کے لئے بدفعلی سے بچنے کا وظیفہ

میرا نام ۔۔۔۔ ہے،میں بی،ایس،سی یونیورسٹی کا سٹوڈنٹ ہوں، جناب میں بہت پریشان ہوں، میں کوئی اچھا شخص نہیں ہوں، لوگ مجھے بد فعلی کے لئے تلاش کرتے ہیں، جناب مجھے بتائیں میں کیا کروں، میں خسرہ ہوں، میری طرف مرد مائل ہوتے ہیں نہ کہ عورتیں، میری کوئی عزت نہیں ہے، یہاں تک کہ میرے گہرے دوست بھی مجھ سے بد فعلی کرنا چاہتے ہیں، مہربانی فرماکر مجھے بتا ئیں کہ میں کیا کروں؟ مجھے کوئی وظیفہ بتائیں کہ لوگ میری عزت کرنے لگیں اور میں اپنے آپ کو تبدیل کر سکوں یا لڑکیوں کی عادات میرے اندر سے ختم ہو جائیں۔

الجوابُ حامِدا ًو مُصلیِّا ً

ایسی صورت میں سائل کو اللہ تعالیٰ کی طرف رجوع اور اعمالِ خیر کی پابندی کرنی چاہیے اور ایسے دوستوں اور ساتھیوں کے ساتھ ملاقات اور تعلق قائم کرنے سے احتراز چاہیے جو غیر سنجیدہ ہونے کے ساتھ ساتھ نیک و صالح نہ ہوں اور ایسے ساتھیوں کے ساتھ تعلق قائم کرنے کی فکر کرے جو متقی و پرہیزگار اور خوفِ خدا ر کھنے والے ہوں اور تیسرے کلمے کا ورد کرتے رہا کریں ۔

مأخَذُ الفَتوی

کما في الترغيب والترهيب: عن أبي موسى رضي الله عنه؛ أن رسول الله - صلى الله عليه وسلم - قال: إنما مثل الجليس الصالح والجليس السوء كحامل المسك ونافخ الكير، فحامل المسك إما أن يحذيك، وإما أن تبتاع منه، وإما أن تجد منه ريحا طيبة، ونافخ الكير إما أن يحرق ثيابك، وإما أن تجد منه ريحا خبيثة". رواه البخاري ومسلم. (4/49)