آمدنی و مصارف
کورٹ میں وکیل کو مؤکل مہیا کرنے پر کمیشن لینا
فتوی نمبر : 46349
کورٹ میں وکیل کو مؤکل مہیا کرنے پر کمیشن لینا
حظر و اباحت / حلال و حرام / آمدنی و مصارف
کورٹ میں وکیل کو مؤکل مہیا کرنے پر کمیشن لینا
السلام علیکم ورحمۃ اللہ وبرکاتہ! مفتی صاحب میں نے آپ سے ایک فتوی پوچھنا ہے کہ میں ڈسٹرکٹ کورٹ میں سرکاری ملازم ہوں اور یہاں ہمارے وکیل صاحبان سے تعلق ہے، پوچھنا یہ ہے کہ جب کوئی مؤکل یا ہمارا جاننے والا آتا ہے تو ہم وکیل کو ان کا کیس دے دیتے ہیں اور وکیل اس کے بدلے میں ہمیں کچھ کمیشن دیتا ہے، اپنی فیس میں سے کہ آپ نے مجھے مؤکل حوالے کیا ہے،اس لیے یہ آپ کا حصہ ہے، تو کیا یہ حلال ہوگا یا حرام ؟ مہربانی فرما کر اس سے آگاہ کردیں۔
الجوابُ حامِدا ًو مُصلیِّا ً
سائل کے لئے فقط وکیل سے ملوانے یا اس کا پتہ بتانے کی بناء پر کمیشن لینا درست نہیں جس سے احتراز لازم ہے، البتہ سائل کو اگر مؤکل تلاش کرنے میں محنت کرنی پڑتی ہو اور سائل کمیشن پر کام کرنے میں مشہور ہو یا پہلے سے طے کرے کہ میں آپ کو مؤکل دے دوں گا مگر میں آپ سے اس کی اجرت لوں گا تو ایسی صورت میں کمیشن لینا درست ہوگا، بشرطیکہ اس مقدمہ کی پیروی کرنا شرعاً جائز ہو اور اس کمیشن کی وجہ سے وکیل مؤکل سے زیادہ فیس کا مطالبہ نہ کرے۔
مأخَذُ الفَتوی
کما فی رد المحتار: قال في التتارخانية: وفي الدلال والسمسار يجب أجر المثل، وما تواضعوا عليه أن في كل عشرة دنانير كذا فذاك حرام عليهم. وفي الحاوي: سئل محمد بن سلمة عن أجرة السمسار، فقال: أرجو أنه لا بأس به وإن كان في الأصل فاسدا لكثرة التعامل وكثير من هذا غير جائز، فجوزوه لحاجة الناس إليه كدخول الحمام الخ (6/63)۔
Related Fatawa متعلقه فتاوی
Related Topics متعلقه موضوعات
-
169آمدنی و مصارفHalal & Haram Incomes
-
58کھانے پینے کی حلال و حرام اشیاءHalal & Haram Foods
-
26حلال و حرام جانورHalal & Haram Animals
-
20عام استعمال کی حلال و حرام اشیاءHalal & Haram Things
-
14حرام طریقہ علاج و ادویاتUnlawful Medicine and Treatment
-
1وظائف و عملیاتPotion and Spell