کیا جنات کی طرح فرشتوں کو بھی قابو کر کے کام لیا جا سکتا ہے؟

السلام علیکم! دریافت طلب امر یہ ہے کہ کیا آدمی چار مقرّب فرشتوں سے یا باقی عام فرشتوں سے کام لے سکتا ہے؟ جیسا کہ جنات کو قابو کرکے کام لیا جاتا ہے۔ایک آدمی کا کہنا ہے کہ انسان چونکہ اشرف المخلوقات ہے، اس لیے اللہ کی تمام مخلوق اس کے تابع ہے، یہ ہر کسی سے کام لے سکتا ہے اور وہ شخص اپنے اس دعویٰ کے خلاف قرآن و حدیث کے علاوہ کوئی بات سننے کو تیار نہیں ہے۔

الجوابُ حامِدا ًو مُصلیِّا ً

عاملین محض جنات اور دیگر مؤّکل وغیرہ کو مسخر کرکے اُن سے کام لینے کا دعویٰ کرتے ہیں، جبکہ مذکور چار مقرب یا دیگر فرشتوں کو مسخر کرکے اُن سے کام لینے میں محض ان کے باطل دعویٰ ہیں، جو بلا دلیل قابل اعتماد نہیں اور نہ ہی انہیں ایسی باتیں زیب دیتی ہیں، البتہ انبیاء کرام علیہم السلام جو انسان اور اشرف المخلوقات کا اہم حصہ ہیں، ان سے پیغام رسانی والا کام لیتے رہے ہیں۔

مأخَذُ الفَتوی

ففی شرح العقائد: والملائكة عباد اللہ تعالیٰ عاملون بامرہ علی ما دل علیه قوله تعالٰی لا یسبونه بالقول وهم بامرہ یعملون۔ الخ (ص۱۴۲)
وفیه ایضًا: ورسل البشر افضل من رسل الملائكة ورسل الملائكة افضل من عامة البشر وعامة البشر افضل من عامة الملائكة اما تفضیل رسل الملائكة علی عامة البشر فبالاجماع۔ الخ (ص۱۷۷) ـــــــــــــــــ واللہ تعالیٰ اعلم!