السلام علیکم؛ جناب! میرا ایک دوست مندرجہ ذیل بات ایک دینی بیان میں سننے کے بعد بہت پریشان ہے: (الف) مرد اپنی بیویوں کے ساتھ زنا کر رہے ہوں گے (ب) مشروط طلاق واقع ہونے کے بارے میں: چند سال پہلے ایک موقع پر اس شخص نے اپنی بیوی سے کہا تھا: "اگر تم اپنی خالہ سے ملنے نہیں جاؤ گی تو طلاق..." تاہم اسے وہ مکمل جملہ یاد نہیں ہے، اس نے اپنی بیوی کو خالہ سے ملاقات نہ کرنے پر طلاق کی دھمکی دی تھی، لیکن اس کی بیوی کو ایسا کوئی واقعہ یاد نہیں ہے،میرا دوست اس بات کی وجہ سے پریشان ہے کہ آیا وہ اپنی بیوی کے ساتھ شرعی طور پر حلال ازدواجی تعلق میں ہے یا نہیں؟
صورتِ مسئولہ میں سائل کے دوست کو چاہئیے کہ ذہن پر زور دے کر یاد کرنے کی کوشش کرے کہ اس نے واقعۃً طلاق کوبیوی کے خالہ کے گھر نہ جانے کے ساتھ معلق کیا تھا یا نہیں؟ چنانچہ اگر اسے یقین ہوجائے کہ اس نے طلاق کو بیوی کے اپنی خالہ کے گھر نہ جانے کے ساتھ معلق کیا تھا، تو چونکہ اس نے خالہ کے گھر نہ جانے کیلئے کوئی وقت مقرر نہیں کیا، اس لئے موت تک عورت کے پاس خالہ کے گھر جانے کی مہلت موجود ہے، چنانچہ شوہر کو چاہیئے کہ وہ بیوی کو خالہ کے گھر بھیج کر اس تعلیق کو ختم کردے، تاکہ وہ ہر قسم کے شکوک و شبہات کے بغیر ذہنی یکسوئی کے ساتھ ازدواجی زندگی گذار سکیں، تاہم آئندہ طلاق سے متعلق اس قسم کے الفاظ استعمال کرنے میں سخت احتیاط لازم ہے۔
کما فی فتح القدیر: وقوله وهو الشرط: يعني العدم (قوله كما في إن لم آت البصرة) إعطاء نظير، والمراد أن كل شرط بإن منفي حكمه كذلك وهو أن لا يقع الطلاق أو العتاق إذا علق به إلا بالموت لما ذكرنا، وزاد قيدا حسنا في المبتغى بالغين المعجمة، قال: إذا قال لامرأته إن لم تخبريني بكذا فأنت طالق ثلاثا فهو على الأبد إذا لم يكن ثمة ما يدل على الفور انتهى اھ (باب ایقاع الطلاق، فصل فی اضافۃ الطلاق الی الزمان، ج:4، ص:31، ط:شرکۃ مکتبۃ)۔
وفی شرح الوقایۃ: (وألفاظ الشرط: إن، وإذا، واذاما، وكل)نحو: كل امرأة لي تدخل الدار فهي طالق (وكلما، ومتى، ومتى ما، ففيها تنحل اليمين إذا وجد الشرط مرة إلا في: كلما؛ فإنها تنحل بعد الثلاث)، المراد بانحلال اليمين: بطلان اليمين ببطلان التعليق،اھ(باب الحلف بالطلاق، ج:3، ص:78، ط:دار الوراق)۔