امتحان میں نقل سے پاس ہوکر حاصل کردہ ڈگری پر ملازمت اور اس کے آمدن کا حکم

میں نے نویں جماعت سے لے کر گریجویشن تک نقل کے ذریعے سارے پیپر لکھے ہیں، اب اگر اس ڈگری پر سرکاری نوکری ملے گی تو کیا میری تنخواہ حلال ہوگی؟

الجوابُ حامِدا ًو مُصلیِّا ً

سائل کا امتحان میں نقل کرنااگرچہ دھوکہ دہی ,جعل سازی اور دیگر باصلاحیت طلباءکرام کی حق تلفی کیوجہ سے شرعاً جائز نہیں تھا ، تاہم اگر اس بنیاد پر سائل کو ڈگری ملی ہو اور سائل اس ڈگری کے ذریعے کوئی سرکاری نوکری حاصل کرے ، اور سائل کے اندر نوکری اور ملازمت کی مفوضہ ذمہ داریوں کو سرانجام دینے کی اہلیت اور استعداد موجود ہو اور دیانت داری کیساتھ سائل اپنی ذمہ داری کو پورا کرے تو ایسی صورت میں سائل کی تنخوا ہ حرام نہ ہو گی ۔

مأخَذُ الفَتوی

کمافی سسن ترمذی:قالﷺ؛من غشّ فلیس مِنّا(ج3 ص598)۔
وفی الھندیہ:الأجرة تستحق بأحد معان ثلاثة إما بشرط التعجيل أو بالتعجيل أو باستيفاء المعقود عليه فإذا وجد أحد هذه الأشياء الثلاثة فإنه يملكها(كتاب الاجارة، الباب الثاني ،متي يجب الاجر ج 4 ص 413 ط: المكتبة الرشيدية)