اصلاحی بیانات کی ویڈیو ریکارڈنگ

کیا فرماتے ہیں علماءِ کرام اس مسئلہ کے بارے میں ، کہ میرے طالبعلم ، میرے بیان کو ڈیجیٹل کیمرے کے ذریعے محفوظ کرنا چاہتے ہیں، تا کہ وہ بعد میں اس سے استفادہ کرسکیں اور ان کے دوستوں کو بھی فائدہ ہو ،قرآن وسنت کی روشنی میں ، جواب دیں کہ کیا ان کا ایسا کرنا جائز ہے؟

الجوابُ حامِدا ًو مُصلیِّا ً

تصویر کے بغیر ، محض بیان محفوظ کرنا ، بلاشبہ جائز اور درست ہے ، جبکہ تصویر کھینچنا اور کھینچوانا ، ہر دو امور شرعاً ناجائز اور حرام ہیں ، جن سے احتراز واجب ہے ، لہٰذا سائل پر لازم ہے کہ وہ اپنے طلباء کو بھی ایک غیر شرعی امر کے ارتکاب سے منع کرے۔

مأخَذُ الفَتوی

و فی الشامیۃ : و سواء صنعه لما يمتهن أو لغيره ، فصنعته حرام بكل حال لأن فيه مضاهاة لخلق الله تعالى ، و سواء كان في ثوب أو بساط أو درهم و إناء و حائط و غيرها اهـ (ج۱، ص۶۴۷)۔