موجوده مروّجہ انشورنس کمپنیوں میں بطور ملازم کام کرنا

ہمیں انشورنس کمپنی میں نوکری کرنے کے متعلق بتائیں، جبکہ نوکری کی تفصیل براهِ راست پالیسی کے بیچنے کے متعلق نہیں ہے، بلکہ نوکری کی تفصیل میں یہ ہے کہ انتظام ، کاروائی ، ضابطے کی معاونت کرنا اور شعبے کی ذاتیات کی تحقیق کرنا اور اس کے ساتھ سسٹم کی ہلکی پھلکی کاروائی اور کمپنی کا نیٹ ورک چار حصوں پر مشتمل ہے، میں ان اداروں میں نوکری کرنے سے ڈرتا ہوں جہاں منافع ایسے ذریعہ سے حاصل ہوتے ہوں جن کی بنیاد یک سودی طریقہ کار پر ہو اور جہاں تک ہماری اسلامی تعلیمات کی بات ہے تو شریعت نے ہمیں کسی بھی طریقہ پر ایسی کمپنی کے ساتھ کام کرنے کی اجازت نہیں دی جس کی بنیا د سود پر ہو، خاص طور پر انشورنس کمپنی کے ساتھ، میں بہت خوشی اور ہلکا پن محسوس کروں گا جب آپ کے خیالات مجھے ملیں گے جن سے میرا مستقبل آسان پُرامن اور حلال ہو ، اس بات کی یقین دہانی کر لیں کہ انشورنس کمپنی میں انشورنس کا طریقہ کار کسی بھی اسلامی قانون و ضابطے پر مبنی نہیں ہے، یہ خالصتاً تجارتی انشورنش ہے ۔

الجوابُ حامِدا ًو مُصلیِّا ً

واضح ہو کہ موجوده مروّجہ انشورنس کمپنیوں کے کاروبار کا بیشتر حصہ عام سودی بینکوں کی طرح غیر شرعی شرائط اور سود پر مبنی ہونے کے ساتھ ساتھ جوئے اور قمار کو بھی شامل ہوتا ہے، اس لئے ان اداروں میں چوکیدار اور خاکروب جیسی نوکری کے علاوہ ایسی ملازمت جس کا تعلق براہِ راست سودی لین دین یا دیگر غیر شرعی امور کی انجام دہی کیساتھ ہو , اسے اختیار کرنے سے احتراز لازم ہے ۔

مأخَذُ الفَتوی

قال اللہ تعالٰی: ﴿وَتَعَاوَنُوا عَلَى الْبِرِّ وَالتَّقْوَى وَلَا تَعَاوَنُوا عَلَى الْإِثْمِ وَالْعُدْوَانِ وَاتَّقُوا اللَّهَ إِنَّ اللَّهَ شَدِيدُ الْعِقَابِ﴾ (المائدة: 2)-