کیا سید جہنم میں جاسکتا ہے؟ کیا اولیاء اللہ معصوم ہوتے ہیں؟

۱۔ کیا سید جہنم میں جا سکتا ہے؟ ۲۔ کیا اولیاء اللہ غیر شرعی کام کر سکتے ہیں؟

الجوابُ حامِدا ًو مُصلیِّا ً

۱۔ سید اگر کسی گناہ کا ارتکاب کرے اور بغیر توبہ کے دنیا سے چلا جائے یا سادات میں سے کوئی کافر ہو جائے تو ضابطہ تو یہ ہے کہ اس کو اپنے گناہ کی سزا بھگتنی ہوگی ۔
۲۔ اولیاء سے بھی گناہ ہو سکتے ہیں ،وہ انبیاء کی طرح معصوم نہیں ہوتے ، البتہ اللہ تعا لیٰ اپنے بندوں کی حفاظت فرماتے ہیں ، گناہ ہوجانے کی صورت میں وہ اس پر قائم نہیں رہتے ، بلکہ فوراً توبہ کر کے اپنے گناہ معاف کرالیتے ہیں۔

مأخَذُ الفَتوی

قال اللہ تعالی: فَمَنْ يَعْمَلْ مِثْقَالَ ذَرَّةٍ خَيْرًا يَرَهُ وَمَنْ يَعْمَلْ مِثْقَالَ ذَرَّةٍ شَرًّا يَرَهُ ۔ الآیۃ:(8)
و فی مشكاة المصابيح: عن عائشة- رضي الله عنها- أن قريشا أهمهم شأن المرأة المخزومية التي ( إ لی قولہ) وايم الله لو أن فاطمة بنت محمد سرقت لقطعت يده۔(متفق عليه) (2/ 1071)و اللہ أعلم بالصواب!