بریلوی اور دیوبندی کے کن عقائد میں اختلاف ہے؟

السلام علیکم!مہربانی فرماکر آپ مجھے بتائیں کہ بریلویوں اور دیوبندیوں کے عقائد کیا ہیں اور وہ کون سے عقائد ہیں جن میں ان کا اختلاف ہے، میں الحمدللہ دیوبندی ہوں۔

الجوابُ حامِدا ًو مُصلیِّا ً

یہ دونوں گروہ اور طبقے حنفی المسلک ہونے کے ساتھ ساتھ اصولی و فروعی مسائل میں بھی ایک ہی ہیں،البتہ بعض مسائل میں بریلوی المسلک طبقہ سنی اور حنفی ہونے کے باوجود اہل سنت و الجماعت کے بعض متفقہ اور مسلمہ عقائد و نظریات سے ہٹ کر غلط نظریہ رکھتا ہے،خاص طور پر نبی ﷺ کی نسبت حاضر و ناظر ہونے،آپﷺ کے عالم الغیب ہونے،نور و بشر ہونے اور مختار کل ہونے جیسے مسائل میں اصول و ضوابط سے ہٹ کر بعض نجی واقعات و مشاہدات کی بناء پر غلو کا شکار ہو کر راہ اعتدال سے بھٹک گیا ہے۔
اس سلسلہ میں مزید تفصیل کے لئے شہید ناموس رسالت مولانا محمد یوسف لدھیانوی رحمہ اللہ کی تصنیف "اختلاف امت اور صراط مستقیم" کا مطالعہ مفید رہے گا۔