کیا نفلی روزے کے لیے سحری کرنا لازمی ہے؟ اگر وقت پر آنکھ نہ کھلے یا کھانے کے لیے کچھ نہ ہو، تو کیا نفلی روزے کی نیت کر سکتے ہیں؟ مطلع فرمائیں۔ جزاک اللہ!
واضح ہو کہ روزہ خواہ نفلی ہو یا فرض، اس کی صحت اور درستگی کے لیے سحری کرنا لازم اور ضروری نہیں ہے، بلکہ سحری کرنا مستحب عمل ہے۔ لہٰذا اگر کوئی شخص سحری کے وقت سویا رہ جائے یا بیدار تو ہو، لیکن کھانے کے لیے کچھ نہ ملے، تو ایسی صورت میں نصف النہار سے قبل نفلی روزے کی نیت کر لے، تو اس کا نفلی روزہ شرعاً درست ادا ہوگا۔