مہر

شوہر کے انتقال کے بعد بیوہ کے حق مہر کی ادائیگی کس کے ذمہ لازم ہوگی ؟

فتوی نمبر :
99607
| تاریخ :
2026-09-21
معاملات / احکام نکاح / مہر

شوہر کے انتقال کے بعد بیوہ کے حق مہر کی ادائیگی کس کے ذمہ لازم ہوگی ؟

السلام علیکم ورحمۃ اللہ وبرکاتہ! کیا فرماتے ہیں مفتیانِ کرام اس مسئلہ کے بارے میں کہ میرے بھائی کا تین سال پہلے انتقال ہوگیا ہے۔ ان کی بیوہ کا پانچ تولہ سونا بطورِ مہر مقرر تھا، لیکن میرے بھائی نے اپنی زندگی میں یہ مہر ادا نہیں کیا تھا۔ میرے بھائی کے انتقال کے وقت ان کے والدین دونوں حیات تھے۔ اب ان کے سسرال والے ان کے پانچ تولہ مہر کا مطالبہ کر رہے ہیں اور یہ کہتے ہیں کہ والدین کی جائیداد میں مرحوم کا جو حصہ بنتاہے، اس حصے سے ان کی بیوہ کا مہر ادا کیا جائے۔ اس بارے میں شریعت کیا رہنمائی کرتی ہے؟ جبکہ والدین الحمد للہ زندہ ہیں۔کیا بھائیوں پر اس کی ادائیگی لازم ہے؟ اگر ادا نہ کریں تو کیا وہ گناہگار ہوں گے؟ اور سسرال کو کیسے ان کا مہر ادا کریں؟

الجوابُ حامِدا ًو مُصلیِّا ً

واضح ہو کہ والدین کی حیات میں اگر کسی بیٹے/بیٹی کا انتقال ہوجائے تو اس کا والدین کی میراث میں شرعاً کوئی حصہ نہیں ہوتا اور نہ ہی اس کے ورثاء والدین کی جائیداد میں حصے کا مطالبہ کرسکتے ہیں، صورت مسئولہ میں چونکہ سائل کے والدین حیات ہیں، لہذا مرحوم بھائی کا والدین کے مال وجائیداد میں شرعاً کوئی حصہ نہیں، اور نہ ہی مرحوم کے سسرال والے مرحوم کے والدین کے مال وجائیداد میں سے اس کے حصہ کا مطالبہ کرسکتے ہیں۔
حق مہر کی ادائیگی چونکہ مرحوم کے ذمہ لازم تھی، لہذا اگر مرحوم بھائی نے کچھ ترکہ چھوڑا ہو تو کفن دفن کے اخراجات کی ادائیگی کے بعد دیگر قرضوں کی طرح بیوہ کے حق مہر کی ادائیگی بھی لازم ہوگی، لیکن اگر مرحوم نے ترکہ نہ چھوڑا ہو یا ترکہ کی جائیداد حق مہر کی ادائیگی کیلئے کافی نہ ہو تو ایسی صورت میں والدین پر اپنی بہو کے حق مہر کی ادائیگی لازم نہیں، تاہم اگر والدین وغیرہ بخوشی مرحوم کی طرف سے حق مہر کی ادائیگی کرنا چاہیں تو یہ مرحوم کے ساتھ تبرع واحسان ہوگا اور اس پر ان شاء اللہ تعالیٰ اجر بھی ملے گا۔

مأخَذُ الفَتوی

ففی الدر المختار: «وهل إرث الحي من الحي أم من الميت؟ المعتمد: الثاني شرح وهبانية»(کتاب الفرائض، ج: 6، ص: 758، ایچ ایم سعید)
وفی حاشية ابن عابدين: «وأركانه: ثلاثة وارث ومورث وموروث. وشروطه: ثلاثة: موت مورث حقيقة، أو حكما كمفقود، أو تقديرا كجنين فيه غرة ووجود وارثه عند موته حيا حقيقة أو تقديرا كالحمل والعلم بجهة إرثه،» (کتاب الفرائض، ج: 6، ص: 758، ایچ ایم سعید)

واللہ تعالی اعلم بالصواب
عبدالوہاب عُفی عنه
دار الافتاء جامعه بنوریه عالمیه
فتوی نمبر 99607کی تصدیق کریں
0     106
Related Fatawa متعلقه فتاوی
  • تجدیدنکاح کی صورت میں بیان کردہ مہر کی شرعی حیثیت

    یونیکوڈ   اسکین   مہر 1
  • رخصتی سے قبل طلاق ہوجانے کی صورت میں حق مہر کا حکم

    یونیکوڈ   مہر 0
  • نکاح نامہ میں "خصوصی شرائط "کے خانے میں لکھے ہوئے سونے کی حیثیت

    یونیکوڈ   مہر 3
  • خاوند کا واپسی کی صراحت کیساتھ بیوی کا مہر اور سامانِ جہیزفروخت کرنا

    یونیکوڈ   مہر 0
  • عورت کے انتقال پر مہر اور بوقتِ رخصتی دئے جانے والے تحائف کا حکم

    یونیکوڈ   مہر 0
  • مہر کی عدم ادائیگی پر شوہر کو نقل مکانی سے روکنا

    یونیکوڈ   مہر 0
  • رخصتی سے قبل طلاق کی صورت میں مہر کا حکم

    یونیکوڈ   مہر 1
  • دلہن کو شادی پر دیے ہوئے سونے کی واپسی کا مطالبہ کرنا

    یونیکوڈ   مہر 0
  • نکاح نامہ میں , مہر سے ہٹ کر بعنوان گفٹ, لکھی گئی اشیاء کا حکم

    یونیکوڈ   مہر 0
  • مہر کی ادائیگی کے بغیر رخصتی کا حکم

    یونیکوڈ   مہر 0
  • شادی پر دئیے ہوئے سونے کی واپسی کا مطالبہ کرنا

    یونیکوڈ   مہر 0
  • مہر مقرر کرنے کا شرعی طریقہ

    یونیکوڈ   مہر 0
  • داماد سے جدائی لینے کی صورت میں حق مہر کا حکم

    یونیکوڈ   مہر 0
  • بیوی کے مطالبۂ طلاق کی صورت میں مہرِ مؤجل کا حکم

    یونیکوڈ   مہر 0
  • بیوی کا, حق مہر ایک بار معاف کردینے کے بعد پھر مطالبہ کرنا

    یونیکوڈ   مہر 0
  • طلاق کے بعد شوہر کے لیے زیورات کی واپسی کا مطالبہ کرنا

    یونیکوڈ   مہر 0
  • مجلس نکاح میں حق مہر کا ذکر نہ کرنا

    یونیکوڈ   مہر 1
  • قسطوں میں مہر ادا کرنے کا حکم

    یونیکوڈ   مہر 0
  • لڑکی والوں کی طرف سے شادی میں نامعقول شرائط لگاکر رخصتی میں تاخیر کرنا

    یونیکوڈ   مہر 0
  • بیوی سے زبردستی مہر معاف کروانا

    یونیکوڈ   مہر 0
  • غیر مؤجل حق مہر کی ادائیگی سے پہلے ہمبستری کرنا

    یونیکوڈ   مہر 0
  • مہر کی کم از کم مقدار کیا ہے؟

    یونیکوڈ   مہر 0
  • طلاق کے وقت حق مہرسے دستبرداری کے باوجودشوہرکاحق مہراداکرنا

    یونیکوڈ   مہر 0
  • پانچ وقت کی نماز کی پابندی کو حق مہر مقرر

    یونیکوڈ   مہر 0
  • مہر میں اختلاف کی صورت میں کونسا مہر لازم ہوگا؟

    یونیکوڈ   مہر 0
Related Topics متعلقه موضوعات