(+92) 0317 1118263

ملازمت

الکوحل بنانے والی فیکٹری میں ملازمت کرنا

الکوحل بنانے والی فیکٹری میں ملازمت کرنا فتوی نمبر: 41216

الاستفتاء

میں ایک الکوحل بنانے والے پلانٹ پر کام کر تا ہوں ، ہماری الکوحل باہر ممالک ایکسپورٹ ہوتی ہے، جس کے بارے علم نہیں ہے اس سے شراب بنتی ہے یا نہیں ،دوران کام ہمارے کپڑوں پہ الکوحل گرتی ہے ۔
میرا سوال ہے کہ کیا اس پلانٹ میں کام کرنا جائز ہے ؟
کیا ہمارے کپڑوں میں نماز ہو جاتی ہے؟

الجواب حامدا و مصلیا

سائل جس پلانٹ پر کام کر رہا ہے اگر وہاں انگور ، کھجور یا منقی سے الکوحل بنتا ہو تو یہ الکوحل حرام بھی ہے اور نجس بھی، کپڑوں کو لگنے کی صورت میں کپڑے ناپاک ہوجائیں گے، اور اس سے حاصل شدہ آمدنی بھی حلال نہیں، اور اگر سائل انگور اور کھجور کے علاوہ دیگر اشیاء مثلاًگنے کا شیرہ اناج کیمکل سے تیار کردہ الکوحل کے پلانٹ پرکام کرتاہو تو یہ نجس نہیں ہوتا ، لہذا اس صورت میں پلانٹ پر کام کرنا جائز ہوگا ، چنانچہ ایسا الکوحل جسم اور کپڑے ناپاک نہ ہونگے۔


کمافی تکملۃ فتح الملھم: کتاب الاشربۃ حکم الکحول المسکرۃ اما غیر الاشربۃ الاربعۃ فلیست نجسۃ عندالامام وبھذا یتبین حکم الکحول المسکرۃ(ALCOHOLS) التی عمت بھا البلوی الیوم ۔۔۔۔۔۔۔ان اتخذت من غیرھما فالامر فیھا سھل عند ابی حنیفۃ ولایحرم استعمالھا للتداوی (ج3/608)