(+92) 0317 1118263

ایصال ثواب

غسل د ینے سے قبل میت کے پاس بیٹھ کرقرآن کریم کی تلاوت کرنا

غسل د ینے سے قبل میت کے پاس بیٹھ کرقرآن کریم کی تلاوت کرنا فتوی نمبر: 40214

سوال

فوت ہونے کے بعد میت کو اگر فوراً نہ دفنایا جاسکے او رکچھ وقت کیلئے رکھنا پڑے تو کیا میت کو بغیر غسل دیئے اس کے گرد بیٹھ کر قرآن پاک کی تلاوت کی جاسکتی ہے یا نہیں؟ اور اگر بیماری کی وجہ سے غسل نہ دیا جاسکے مثلاً اگر غسل دیا جائے تو میت کو ہلانے سے میت کے جسم سے کچھ مادے نکلنے کا اندیشہ ہو جیسا کہ Ascities یعنی پیٹ میں پانی بھرجانے کی بیماری میں اور صبح غسل دے کر فوراًدفنادیا جائے اس حوالے سے قرآن و حدیث کے مطابق رہنمائی فرمائیں۔

الجواب حامدا و مصلیا

میت کو غسل دینے سے قبل میت کے پاس بیٹھ کر قرآن پاک کی تلاوت کرنا شرعاً مکروہ ہے،اس لئےاس سےاجتناب کرنا چاہئے ، البتہ جس جگہ میت رکھی ہوئی ہے اس کے علاوہ دوسری جگہ یا غسل کے بعد تلاوت قرآن کرنا بلا شبہ جائز درست ہے،اوار اگر کسی بیماری کی وجہ سے نجاست وغیرہ خارج ہوتی ہو اسے کسی کپڑے کے ذریعے صاف کردیا جائے تو غسل ہو جائے گا ،دوبارہ غسل لوٹانے کی ضرورت نہیں۔