سوال یہ ہے کہ شناختی کارڈ اور پاسپورٹ پر تصویر لگانا کیسا ہے اور اگر حج اور عمرے کیلئے جانا ہو اور تصویر کے بغیر نہ شناختی کارڈ بنتا ہو نہ پاسپورٹ، کیا پھر حج اور عمرے کا ثواب مل جائے گا؟ ہمیں کسی نے کہا ہے کہ تصویر نہ نکلوائیں آپ کو ایسے ہی ثواب مل جائے گا، برائے مہربانی رہنمائی کریں۔ جزاک اللہ
واضح ہو کہ شرعاً تصویر کشی کے حرام ہونے میں اگرچہ کوئی شبہ نہیں، اور اس پر سخت وعیدیں بھی وارد ہوئی ہیں، مگر چونکہ قانوناً پاسپورٹ، شناختی کارڈ وغیرہ کیلئے تصویر لگانا جزؤ لازم بن گیا ہے، اس لئے ضرورتاً اس کی اجازت دی گئی ہے، اس لئے سائل مذکور اغراض کیلئے تصویر کھنچواسکتا ہے، چنانچہ پاسپورٹ یا شناختی کارڈ نہ بنانے کی صورت میں صاحبِ استطاعت ہونے پر ترکِ فریضہ کا گناہ لازم ہوگا۔
کما فی شرح الاشباہ والنظائر: الضرورۃ تبیح المحظورات، ومن ثم جاز اکل المیتۃ عند المخمصۃ۔ اھـ (ج۱، ص۲۵۱)۔
وفی اللباب: الحج واجبٌ علی الأحرار البالغین العقلاء الأصحاء إذا قدروا علی الزاد والراحلۃ، فاضلًا عن مسکنہ وما لا بد منہ، وعن نفقۃ عیالہ إلی حین عودہ، وکان الطریق آمنًا، ویعتبر فی المرأۃ أن یکون لہا محرم یحج بہا أو زوجٌ، ولا یجوز لہا أن تحج بغیرہما إذا کان بینہا وبین مکۃ مسیرۃ ثلاثۃ أیامٍ ولیالہا۔ اھـ (ص۱۱۲) واللہ اعلم بالصواب!