فتوی نمبر : 29488
قبروں پر ماربل لگانا

قبروں پر ماربل لگانا

قبروں پر ماربل یا کوئی اور پتھر وغیرہ لگوا سکتے ہیں؟ میرا چاچو بتا رہا تھا ماربل اللہ کا ذکر کرتا ہے اس لیے اپنے بیٹے کی قبر ماربل سے بنوائے گا، کیا ایسا سچ ہے اور قبر کس چیز سے بنائی جائے مٹی ، پتھر وغیرہ سے ؟ سنت طریقہ بتا دیں۔

الجوابُ حامِدا ًو مُصلیِّا ً

مٹی وغیرہ سے کچی قبر بنانا سنت ہے، جس کا طریقہ یہ ہے کہ جتنی مٹی قبر سے نکالی گئی ہے، وہ سب اس پر ڈال کر اونٹ کی کوہان کی طرح زمین سے ایک بالشت اونچی قبر بنالی جائے، اس سے زیادہ مٹی ڈال کر اونچی کرنا مکروہ ہے، جبکہ ماربل یا کسی اور پتھر وغیرہ سے قبر کو پختہ کرنا ممنوع اور ناجائز ہے، جس سے احتراز لازم ہے۔

مأخَذُ الفَتوی

کمافی الھندیۃ: ویکرہ أن یزاد علی التراب الذی أخرج من القبر ( الی قولہ) ویسنم القبر قدر الشبر و لایربع ولایجصص الخ (۱/ ۱۶۶)
و فی الدر المختار وحاشية ابن عابدين (رد المحتار): (ويسنم) ندبا. وفي الظهيرية وجوبا قدر شبر (ولا يجصص) للنهي عنه (ولا يطين، ولا يرفع عليه بناء.الخ (2/ 237) و اللہ أعلم بالصواب